AIZAWL | August 9, 2019: BJP Mizoram unit khan Thursday din te koishe Narendra Modi government khan okobi intention khan thakanai etu Article 371(G) kun tu para state ke special provision de etu bi Jammu and Kashmir te Article 370 laga provision toh hataidiya pichede .
BJP state unit general secretary Vanlalhmuaka koishe ki etu Article 371 toh BJP aro NDA government laga manifesto te etu agenda thakanai .
Constitution laga Article 371(G) te koishe ki President khan okobi decide kuribole naparibo Mizos khan laga religious and social practices civil aro criminal law land, land ownership transfer, aro customary law procedure khan okobi kuribole naparibo Assembly ke kotha nakurikena .
Tai para reporters ke koishe ki “(BJP national president) Amit Shah statement bonaikena Parliament te koishe ki Article 371 para north eastern states ke special safeguard diya toh dikdaar nohobo.”
Shah para August 6 Lok Sabha te koishe etu Article 370 aro Article 371 majhotte okobi milabole nalageh aro government khan okobi intention khan nai etu Article 371 ke hataidibole nimete.
Vanlalhmuaka para state Congress chief Lal Thanhawla ke bodnam kurishe Mizo manu khan ke ulta kotha kurikena koishe ki Article 371G bi khatra te ase Article 370 ke hataidiya pichede .
Hiphei kun Rajya Sabha member Congress laga 1990 aro 1996 majhotte thakishe koishe ILP toh BJP laga manifesto te nai aro system te dikdaar nathakibo.ILP toh ekta official document ase centre khan para diya toh non-Mizo people khan Mizoram te berabole nimete.
Add Comment