Artificial Intelligence (AI) deh 1st round table talk lui shae, Kohima deh

September 26, 2024: Directorate of Science & Technology, Kohima deh Artificial Intelligence (AI) laka 1^st Round Table Talk lui shae. Etu table talk tho 26^th September 2024 din deh taki shae. Principal Secretary, Science & technology, I. Himato Zhimomi para taila opening remarks deh, tai etu AI platform deh ekta concrete solution ani bole pari bo kui nah hope kuri ase kui shae, 1^st table round tho kotom hua time deh. Tai para AI Platform deh tuita aspects ase kui shae, AI laka user side aro maker side. User tho kinaka AI keh sobse bhal para chubo pari bo, etu jani bole lakeh aro private aro government sector deh b chubo lakeh. Tai para mukan solution ani bole lakeh kui shae, etu keh safeguard kuri bo karne. Kile koile etu tho bhal aro bia karne b chubo pareh. Tai para AI tho aro bhal governance karne chubo pari bo kui shae. AI, kinaka mukan laka society keh affect kuri bo aro kinaka AI tho sob manu para chub oleh ase, etu laka mamla deh kotha kura tho mukan karne bishi dangor kotha hobo leh ase kui shae tai para. Tai para jawan manu kan keh challenge kuri shae, taikan laka minds tho eki lokot deh mila bole aro etu platform deh interest taka manu kan keh ani bole. Tai para etu AI tho ekta dangor revolution ani boel ase kui shae kuto mukan sob ekh affect kuri bo. NCS Ex-Officio Director & Joint Secretary, Science & Technology, Zeneikhono Vimero, para taila welcome address deh,  etu Aritificial Intelligence (AI) laka 1^st Round Table talk, kuto Nagaland Science Mission – 2024 (NSM) laka aegis pitor deh ase, etu tho mukan laka Principal Secretary laka brain child ase kui shae. Tai para NSM lokto deh ekta visiona se kui shae, future economic growth karne. Technical session deh, resource person Prof. Samarendra Dandapat, Professor Dept. of Electronics and Electrical Engineer, Indian Institute of Technology, Guwahati Assam, India para “Emerging Al Tools in India”, ‘Applications of Al in Indian Context & Future Prospects’ topics deh kotha kuri shae. 2^nd session deh, moderator Kekuneil Ltu/ Onongoto Soleh para ekta Round Table Discussion lui shae, participants kan lokot deh.