April 20, 2024 : Nagaland Police para aru bhi ekta drug trafficker ke aru ekjon ke arrest kurishey, itu arrest kuria manu laga naam toh MD Hassan asey aru tai toh Dimapur laga Murgi Patti tey dawai laga dukan chulai thakishey.
Nagaland Police para alag case ekta tey investigate kuria homoi tey, itu manu bhi mili kena thaka laga jani paishey, aru Arunachal Pradesh laga Police aru West Bengal laga Police logotey mili kena, ekta Joint Operation kuri kena, MD Hassan Uddin ke Arunachal Pradesh tey para dhuriboley parishey koi asey. Itu Trafficker Hassan toh India Post laga postal delivery system chulai kena Dimapur para West Bengal tey Morphine laga parcel khan aru itu saman khan toh hoiley Moreh para ani thakey koishey. Itu parcel toh hoiley 2 kg morphine thakishey, kuntu toh hoiley 8 crore laga daam laga asey, kuntu toh hoiley Barrakpore West Bengal tey para seize kuri kena asey, aru itu toh hoiley February 2024 laga muhina tey intercept kurishey, West Bengal Police para.
Kunba case khan tey bhi, teenta accuse manu khan ke toh hoiley arrest kurishey, poila laga case khan tey involve thaki kena, drug trafficking laga aru trafficking khan tey thaka laga, bail tey thaki kena.
Drug Trafficker khan toh hoiley havoc banai di kena asey, Nagaland laga pura jaga khan tey, youth khan bihsi yatey giri jai kena, itu drug abuse laga.
Itu nimitey Nagaland Police para request kuri asey, manu khan ke, drug khan bikai thaka aru trafficker khan laga toh report kuri thakibi koi kena koishey, Police ke, aru eneka khan ke support kuriboley laga bhi dur jaboley koishey ki ki laga itu khan nishina toxin khan spread kuriboley laga tey para, itu society tey.
Add Comment