Mizoram, November 16, 2023: Mizoram dhe aru tuida Myanmar laka soldier kuseshae militia group laka People’s Defence Group(PDF) para taikan laka camp loa biche dhe Chin state dhe, Wednesday dhe ekta Police officer para koishae.
Koto tuida Myanmar laka soldier dho Mizoram kuse shae aru Zokhawthar police station dhe Tuesday laka sam dhe ahishae, officer para koishae. “ Myanmarese soldier dho Assam Rifles lokot handover kuri deshae Centre laka directive esab dhe aru sob manu dho ekta safe jaka dhe loi jaishaee Indian defence authorities para”, tai PTI ki koishae anonymity kurne.
Etu lokot Myanmarese soldiers dho 45 huishae koto Mizoram dhe lokaina aha dho, police officer para koishae. Tai koisahe ki first dhe doh 39 soldiers international border cross kurikina Zokhawthar police station dhe ahishae taikan laka arms lokot Monday sam dhe. Aru deenda dho Zokhawthar police station dhe Tuesday din dhe ahishae aru dusra tuida dho evening dhe ahishae, tai koishae.
Officer para koishae ki 39 soldiers dho air dhe loi jaishae ekta safe jaka dhe Assam Rifles para Tuesday dhe aru bachikina taka 6 dho Wednesday din dhe aru safe jaka dhe loijaishae. State Home department laka ekta official para koishae ki Myanmar laka soldiers dho air dhe Champai district para Moreh loijaishae, ekta border laka town ase Manipur dhe, aru tade para Tamu dhe pathaishae, etu Moreh para sobse osor Myanmarese town ase
Police officer para koishae ki Indo-Myanmar border dhe situation dho etiya olob shanti ase koto etiya eku chakra nai Myanmar laka army aru People’s Defence Force(PDF) lokot.
“Situation dho etiya bhal huishae aru moikan Indo- Myanmar border dhe boila nishina normally takibole babhana kuri ase tui din aru deen din laka majot dhe. Huilibhi ekta side dhe dho future dhe ki hubo eku kobole nebari”, tai koishae.
Add Comment