Itanagar, September 22, 2026: 267 neshe na mithun mure she Foot-and-Mouth (FMD)
bemar karne, Arunachal Pradesh laga Dibang Valley district te, ja dua moina te, aro
1,402 neshe na mithun etu bemar lage kena ase, officials khan para enia koi she.
Bemar toh 21 bosti te olai kena ase district te, etu karne veterinary authorities khan
treatment aro preventive measures khan set up kurea ase bemar toh phela bole nade
bo karne.
District Animal Husbandry and Veterinary officer Dr Dammo Riba para koi she ki, district
te first case toh July laga moina te olai she ekta mithun murea piche. Department laga
hesab te September 20 tuk 1,402 mithun neshe na bemar toh lage she, kute 1,225 toh
bhal hobole pare she aro 267 toh mure jai she.
Arunachal: 267 mithun mure she Foot-and-Mouth bemar karne Dibang Valley te
