Itanagar, August 23, 2026: Ekta 29 sal mota ke pani para loi jai she, Nyamjanchu nodi te swimming kurea homoi. Nodi toh Namtsering bosti te ase, kunto Arunachal Pradesh laga Tawang district te ase.
Mamla toh Sunday te hoi she, Sashastra Seema Bal (SSB) khan etia kam kurea ase utu manu ke besare bole karne. Mota former Tawang District Medical Officer (DMO) Dr. Wandi Lama laga bacha ase koi she.
Preliminary khobor laga hesab te, mota toh nodi te swiming kure thake she aro achanak para pani laga current beshe kara hoi kena tai ke loi jai she. Local manu aro SSB khan mele kena besare bole aro bacha bole laga operation shuru kure she.
Teams khan etua be tai ke besarea ase koi she. Operation toh ja ase, authorities aro local manu khan Nyamjanchu nodi aro etu laga osor khan te besarea ase koi she.
