Itanagar, January 19 : Friday din te Arunachal Pradesh din te Congress tu ekta jhatka paisey. Kilemaney Congress laga bisi workers aro poila laga general secretary Numey Tayeng BJP join kurisey. Aro etu bi, Bharat Jodo Nyay Yatra laga his ate Rahul Gandhi para Itanagar visit kuriboel thaka ekdin ageyte hoisey.
Arunachal laga Congress, NPP aro People’s Party laga total 300 workers para Jnauaru 19 te Itanagar laga state BJP office te huwa mass joining programme te BJP join kurisey.
Etu joining ceremony tu senior BJP party leaders Tarh Tarak, Taring Rai, Techi Necha aro Nalong Mize laga mojudgi te hoisey. Etu leader khan para koisey ki taikhan sob tu ekta Congress Mukt Arunachal Pradesh laga vision nimitey kaam kuri asey.
Dangor kotha tu etu asey ki Rahul Gandhi tu Jnauary 20 te tailaga Bharta Jodo Nyay Yatra Campaign laga his ate Itanagar visit kuribole asey.
Rahul Gandhi tu Itanagar te Gumto Gate-Doimukh-Nirjuli-Naharlagun laga rasta para Jnauary 20 te 2:00pm fale pungchibole asey. Tai tu Doimukh jaga laga SDO Ground te ekta public rally kuribole asey. Aro etu picheyte Itanagar laga ‘0’ Point Tinali para loikina Itanagar, ESS Sector laga Matto Tarin Government Hr.Sec School Ground tak theng para berabole asey. Aro tatey Rahul Gandhi para public ke kotha kuribole asey.
