Itanagar, 4 November : Yupia te District aru Sessions Court-e IAS officer Talo Potom ke bail di dise ekta case te, juntu alleged suicide abetment te relate kori ase. Court koi dise ki continued custody rakhile bhi enough prima facie evidence nai, tai bail di dise Rs 1 lakh bond te.
Potom, juntu Itanagar Capital Region (ICR) laga former Deputy Commissioner ase, tai voluntary surrender kori October 27 te judicial custody te jai thaka. Tai age 14 din custody te remand kora hoise aru Jullang District Central Jail te patha diya hoisey.
Itu case ekjon manuh Yekar laga alleged suicide pora shuru hoisey. Report hisab te, tai ekta note chari jai thaka juntu te Potom aru Executive Engineer Lowang ke accuse kori dise sexual exploitation aru mental harassment te. Accusation te kowa ase ki harassment karone tai nijor jibon loise.
Nirjuli Station laga police October 25 te Case No. 92/2025 register kori dise Bharatiya Nyaya Sanhita (BNS), 2023 laga Sections 108, 271, 272 aru 3(5) under te, aru Potom ke prime accused banaise. Investigation time te police tai laga mobile trace kori paise, kintu mobile ekjon domestic helper laga hand te paise. Police confirm kori dise ki Potom ghar pora jabo age SIM card swap korise.
Etiya, Potom HIV-positive ase kuina juntu claim ase, itu bhi refute hoise. October 24, 2025 te DJ Drugs & Diagnostic Laboratory, Bage Tinali, Nirjuli te kora medical test confirm kori dise ki officer HIV-negative ase.
Add Comment