October 29,2020: Arunachal Pradesh home and rural development minister Bamang Felix para Wednesday din te Kurung Kumey aro Kra Daadi districts te all round development anibole nimete bhabona kurishe.
Etu minister toh meeting te kotha kurishe etu bi etia jai thaka Joram-Koloriang Trans Arunachal Highway (TAH) Palin, Kra Daadi district headquarter te kaam jai thaka sabole janaishe.
Felix koikena janaishe ki etu raasta biya thaka nimete development laga kaam toh biya para dukha paishe Kurung Kumey district te aro etu te kunba Kra daadi district laga parts toh sabole dikha toh total lockdown bithor te ase bishi din para raasta thik nathaka nimete.
Minister para pura puri modot kuribole janaishe etu raasta bona khotom kuribole nimete.minister para aro bi executing agency aro contractors khan ke etu dry moina December para march tak toh chulabole nimete janaishe etu bona kaam khan toh khotom kuribole nimete.
Tai para aro bi hosiyar kurishe ki etu bona te dikaar dishe koile toh kara para sabole janaishe.
Felix koikena janaishe etu raasta bona kaam toh National Highways and Infrastructure Development Corporation (NHIDCL) ke dishe aro corporation para details khan etu kaam kinika jai ase koikena hudai 15 din pichede dibole janaishe.
Etu nimete land compensation laga chamela nimete home minister para koikena janaishe ekta meeting toh lobole ase November laga akhe haafta phaneh chief secretary aro district administration khan logote.
Lower Subansiri to Kurung Kumey district laga raasta bona laga status toh NHIDCL officers para meeting te dikhaishe.
Dusra khan logote etu meeting te Tali legislator Jikke Tako aro his Palin counterpart Balo Raja, Sports Authority of Arunachal chairman Byabang Taj, Kurung Kumey deputy commissioner Kento Riba, Kra Daadi deputy commissioner Solung Miji aro etu duita district laga dusra officers khan ahise.
Add Comment