AgenciesSunday din te khong (angry) uthi kena thaka mob khan para Sitting Yachuli MLA Likha Saaya laga ghor te hamla kuri kena biya kuri dishe.
Khobor hesab te etu ghatna toh MLA laga ghor te nou bagi (9pm) rati te hoishe. Tai laha ghor toh Papum Pare district, Arunachal Pradesh te ase.
Khobor hesab te mob khan toh Saaya laga compound te thaka furniture khan te jui lagai dishe aro khirki (windows) khan te pathor mari kena biya kuri dishe.
Police khan etu ghatna hoi thaka jaga te aha pichete samasiya toh rukhabole parishe. Aro police khan para etu ghatna huwa jaga khan te tai khan laga security lagai kena samasiya toh thik kuri rakhishe.
Capital SP Tumme Amo para khobor kurishe ke mob para hamla kura para ghor laga bishi khirki (windows) khan toh biya kurishe aro bahar te rakhi kena thaka chairs khan bishi toh julai dishe.
Amo para aro bhi koishe ke hamla kura manu khan toh Saaya laga ghor bhitor te toh eku biya kura nai aro ghor te thaka sob manu khan toh thik ase koishe.
Khobor hesab te MLA ke saath diya khan toh MLA toh assembly elections para withdraw kura laga fasla opor te eman khushi huwa nai. Etu nimite tai khan para MLA laga property te hamla kurishe.
Saaya toh 2014 laga state legislative assembly elections te eku oppositions lok napai kena Yachuli seat nimite chunishe. Saaya toh People’s Party of Arunachal candidate hesab te Yachuli seat nimite contest kurishe.
Add Comment