Arunachal national footballer murishey

Arunachal Sep 16, Arunachal Pradesh laga Chief Minister Pema Khandu para, Pani Raju, national-level laga football khela manu achanak muri jaa laga khobor para shock hoa laga janaidishey. Raju toh 3^rd IRBn camp yupia de constable ekta takishey, aro tai TRIHMS, Naharlagun de September 15, Sunday de murijaishey. “Ami bishi shock de asey ke  former national-level footballer Arunachal pradesh laga Shri Pani Raju achanak muri jaa toh. Eman passionate player aro state laga representative ekta, Shri Raju game de contribute kura toh hotai bhal naam de yaat takipo. Etya mun duk laga samay de ami laga condolences toh muri jaa laga khantan aro jana manu khan ke janai de asey”, enika Khandu para koishey. Arunachal Pradesh Football Association (APFA) par ape tai khan laga , mun duk toh express kurishey Raju murijaa de. Tai khan par ape tai state football team de kiman bhal para khileshey aro national aro zonal championships khan de tai laga contribution khan laga pe janaidishey. “Tai muri jaa toh state laga football family laga dangor loss asey”, enika APFA para koishey. Raju muri jaa toh sports community khan karne bishi dangor shock takishey. Community manu bishi tai mun diya laga aru passion taka football karne, edu yaat kuri asey koishey.