Pasighat, April 24 : Arunachal Pradesh laga Yanung Jamoh Lego, kun Monday din te New Delhi te India laga President laga haath para Padma Shri Award paisey, taikey Tuesday din te tailaga jaga te East Siang district laga Adi Baane Kebang para ekta bhal swagat disey. Etu swagat kora te Anggong society, Lego Erang Kebang aro Lego Welfare Society laga member khan bi shamil thaksiey.
Yanung Jamoh Lego ke Adi Baane Kebang aro dusra community organization jaiseki Anggong society, Lego Erang Kebang aro Lego Welfare Society para Pasighat laga welcome gate te swagat kurisey.
Adi Baane Kebang East Siang General Secretary, Kalen Komut, Adi Baane Ane Kebang, President, Oming Jamoh Pertin, Anggong Society, President, Dr. Keni Lego, LWS President, Makpel Lego, Lego Erang Kebang, President, Atop Lego aro dusra khan para Yanung ke Tuesday din te Pasighat te swagat kora homoitey badhai disey.
Yanung Jamoh Lego ke etu saal Arunachal laga Adi community laga traditional(purana jamana) laga healing practices(manu khan ke heal kora) ke wapas zinda kuribole nimitey mehnat kora ke recognize kurikina Padma Shri award paisey. Tai para Arunachal laga aro desh laga alag alag jaga aro dusra desh laga bi kunba marij(bimar thaka manu) ke heal kurisey.
East Siang district te boha, etu 58 years laga maiki tu state agriculture department te ekta former deputy director thaksiey kun juwa 30 years para bimar thaka manu khan laga ilaj kurikina ahia sey.
Tai para rajya te ilaj kora laga pura jamana laga system ke wapas zinda kurisey, khas kurikina Siang belt te.
Yanung tu East Siang laga Adi tribe para asey. Tai tu ekta herbal medicine expert asey kun para, kiman dukh pa laga bawajut bi, Arunachal laga haraija traditional(purana jamana laga) healing system ke wapas zinda kuribole nimitey tailaga zindigi devote kuridisey.
Yanung para koisey ki tailaga irada tu kitya bi profit kamabole laga thakanai. Aro tai tu tailaga jag ate chola herbal clinic te bimar manu khan laga modod kurikina khusi pai.
Padma Shri award paikina aro tailaga jag ate eman bhal para welcome kora tu dikhikina, Yanung para Government of India, Government of Arunachal Pradesh aro tailaga community laga manu Adi Baane Ane Kabang East Siang district, Lego Welfare Society, Anggong society aro Sika Tode busti laga youth khan ke dhanyabad disey.
Yanung para Pasighat te media ke kotha kora homoitey koisey, “Padma Shri award tu khali tailaga mehnat lagapehchan hey nohoikina, etu logotey rajya aro desh aro dusra desh laga bi bimari manu khan nimitey aro bisi kuridibole laga dangor zimidari ahi asey.”
Add Comment