ITANAGAR , December 3, 2019: Nepal, Kathmandu te khiliya13th South Asian Games te Arunachal Pradesh’s Rupa Bayor aro Gangphung Gangsa pora silver aro bronze medals chitise.
Duijun pora taekwondo event te medal chitise.
Arunachal Pradesh chief minister Pema Khandu pora medal chiti kena state ekla ke nahoi kena bura desh te nam tangor ani diya karne congratulate kurise.
Khandu pora mehnat kuriya coach Mari Karbak ke bhi khushi janaise.
Kathmandu, Pokhara aro Janakpur te Nepal khan pora December 1 pora 10 tak teenbar wala regional sporting show host kuri ase.
Etu event toh South Asian Federation Games laga under te 1984 te suru kurise aro 1999 te duibar wala loise.
South Asian Games, etya South Asian Federation Games toh South Asea te dhakiya athletes khan majo te khiliya bi-annual multi-sport event ase.
Etya , SAG logot eight members mili kena ase — Afghanistan, Bangladesh, Bhutan, India, Maldives, Nepal, Pakistan aro Sri Lanka.
Tuesday Dasarath Stadium te 13th South Asian Games laga men’s 1500m race te gold bhi milai kena jarta medal chiti kena India athletes khan phal pora jai ase.
Men’s 1500m te Indians khan pora gold aro silver chitise aro women’s 1500m event te bhi silver aro bronze chitise.
Ajay Kumar Saro pora 3.54.18 seconds timing pora men’s 1500m te gold chitise aro Ajeet Kumar pora 3.57.18s timing pora silver chitis. Nepal laga Tanka Karki (3.50.20s) pora bronze chitise.
Olap ake din, India’s Chanda (4.34.51s) pora women’s 1500m event te silver medal chitise aro Chitra Palakeez (4.35.46s) pora bronze chitise. Etu event te Sri Lanka’s Uda Kuburalage (4.34.34s) pora gold chitise.
Indians khan etya tak 21 medals pai kena ase- six gold, 11 silver aro four bronze.
Country khan etya medals record te hosts Nepal (28 medals) laga biche te second ase.
Add Comment