Itanagar: Police para kowah toh, Arunachal Pradesh’s Kurung Kumey district laga Tali assembly constituency deh tuita political parties laga supporter majode laga-lagi howah para nai-nai koilebe tin-jun ektum beya para jokhom paishe.
Election official para kowah tohm jokhom powah khan majode polling personnel be ase aro voting toh kori hakise.
District Electoral Officer Santosh Kumar Rai para kowah toh, two political parties laga supporter majode laga-lagi hoise aro etu toh Pipsorang laga polling booth pahar deh hoise.
SEO para laga-lagi howah toh kondu political parties laga supporter majode hoise janaideya nai, kelay koile tati laga area deh phone connection toh ektum beya howah nemide.
Mr Rai para kowah toh, khobor toh via wireless message para paise aro agae khobor toh rokhi ase.
Additional Chief Electoral Officer Kangki Darang para kowah toh, 1 pm tak voter khan ahha toh 40.34 per cent thakise.
State capital Itanagar deh Arunachal Pradesh Governor Brig (Retd) BD Mishra aro tai laga maike (wife) Neelam Mishra toh Government Secondary School laga polling station deh exercise korishe.
Democratic process deh manu khan ahhai kene hesha lowah ke ektum kushi pai kena tai para kowah toh, voter khan ahhai kena hesha lowah toh tai khan awareness aro enthusiasm howah dekhi ase.
Deputy Chief Electoral Officer Liken Koyu para kowah toh, alag alag district para EVMs deh technical kaam nakora khobor paishe hoilebi election authorities para machines toh joldi putli kora thakise aro voting deh ektu dekthari powah nai.
Add Comment