Arunachal Pradesh: 11,775 Students nishina khan State laga bahar te purea ase

Itanagar, March 7, 2026: The Educatio Department khan para janai dishe ki. Data Record kurea laga hisab te. National Scholarship Portal (NSP) laga para. Yete sob milai kina Arunachal Pradesh para 11,775 Students nishina khan toh State laga bahar te purea ase koishe. Etu toh Country laga alak alak jagate.
Etu lagate jawab dishe MLA Wanglin Lowangdong para. State Assembly laga first din laga budget session te. Aru Education Minister PD Sona para koishe ki. Asili number toh etu parabi bishi ase koishe. Aru sob students khan toh Scholarship karne apply kurea nai. Aru minister para koishe ki. Etu students khan laga data nahoilebi Record khan eku nai koishe.
Minister para koishe ki. UPSC purea khan khan poisa phane modot kuribole janai dishe. Yete Prelims pass loike Rs 2 Lakh dibo koishe. Aru Mains pass hoile Rs 3 Lakh dibo koishe. Aru etu ekila nahoi kina. Alak CAPF, NDA, CDS, IFoS, IES, ISS aru CHA purea khan kebi dibole janai dishe koishe.