Arunachal Pradesh: 210 Kgs laga Ganja Durishe. 3da Arrest Kurishe

Itanagar, June 22, 2025: Yete Saturday din te Senior Official khan para koishe ki. Arunachal Police khan para yete 210 kgs laga Ganja durishe koishe. Aru taikhan parabi 3da manu nishina ke arrest kurishe koishe. Etu toh East Kameng District te ase koishe. Yete East Kameng Superintendent ofPolice Kamdam Sikom para koishe ki. Etu Operation toh June 15 din para suru kurishe koishe. Yete Police khan para  Passang Doka ke arrest kurishe koishe. Tai toh Seppa laga Transport Colony te thakhea koishe. Aru tai laga haat para 5.01 kg nishina ganja durishe. Tai para koishe ki. Etu durea toh. Ghor te bisarishe koishe. Yete Seppa Executive Magistrate Tashi Thongdok aru Independent Witnesses khan bi thakhi kina Durishe koishe. Aru Case toh Seppa Police Station te registered kurishe koishe. NDPS Act laga bitor te. Aru investigation kurea homoi te. Doka para janai dishe ki. Etu Ganja khan toh Tsering Phuntso laga ase koishe. Aru tai toh West Kameng District laga Kalaktang jagate thakhea koishe. Yete Police laga Team toh Deputy Superintendent of Police Mibom Yirang para led kuri kina. Kalaktang te jaishe koishe. Aru taikhan Yeshi Wangdi laga ghor te bisarishe koishe Rangthangzorpam te. Aru yete taikhan 9 bag nishina paishe koishe. Aru yete sob milai kina 210 kgs nishina ganja toh paishe koishe. Aru etu toh Rs 60 lakhs laga daam ase koishe. Yete Phuntso (23) aru Wangdi (29) ke arrest kuri dishe koishe.