Longding, January 26, 2026: January 25 din te Police khan para koishe ki. Security Forces khan para Poppy laga ghas bia kurishe koishe. Yete 8 Acres laga mati nishina te. Etu toh Arunachal Pradesh laga Longding District te ase.
Longding laga Superintendent of Police (SP) Dekio Gumja para koishe ki. Etu illegal ghas khan toh India-Myanmar Border laga osor Votnu aru Khasa Bosti te dikhishe koishe. Etu operation toh January 23 din te kurishe. Yete Anti-Narcotics Dtrive laga tarika te. Etu bia kurea te Pangchau Circle laga Executive Magistrate bi thakishe koishe. Yete Bosti laga Authorities aru Security khan mili kina aram para operation toh kurishe koishe.
Taikhan para Drones khan bi chulaishe koishe. Yete aru Poppy ghas laga bagan bisaribole nimete. Yete aru pa khan toh Team khan para bia kuri kina ahea ase koishe. Yete kun para palishe, etu te toh kun kebi arrest kurea nai koishe.
Add Comment