Itanagar, March 23, 2026: The Naharlagun Police khan para 4 drug bika manu ke arrest kurishe koishe. Yete taikhan laga haat para 25.75 gms laga Heroin drugs paishe koishe. Etu toh duita alak alak operation te. Etu toh Dokum Colony aru Kerekjuli, Pichola te ase koishe.
Yete tarika kuri kina. Police team khan ke Naharlagun SDPO Rishi Longdo para led kuri kina loi jaishe koishe. Operation kurea homoi te. Taikhan para 10 vials paishe. Yete heroin drugs 12.90 grams laga paishe koishe.Yete Drug bika manu Tony Gamlin (28) laga room para. Tai toh West Siang District laga Tirbin te thakhea manu ase koishe.
Aru huda hudea kurea homoi te. Tai para alak khan laga khobor bi koi dishe koishe. Yete khobor loi kina polive khan para aru operation kurishe. Yete Taikhan para Dibjyoti Kutum alias Raju (25), Boluram Doley (25), aru Mitunjoy Pegu (24) kebi durishe koishe. Taikhan sob bi Assam laga Lakhimpur District para ase koishe. Yete taikhan toh Bike para drugs toh dibole ja homoi te durishe koishe. Aru taikhan laga haat parabi 12.85 grams laga drugs durishe koishe.
Add Comment