ITANAGAR | Dec 7, 2019: Arunachal Pradesh Chief Minister Pema Khandu Friday din te koishe ki proposed amendment Citizenship Act, 1955 para state ke dikdaar nadibo kile koile toh indegenious manu khan laga rights toh Indian constitution te protect kurishe.
Khandu Journalist ke koishe ki “Northeast khan nijor hi ekta alag provision ase Indian Constitution bithor te etu nishena Arunachal bi ase .Ami khan para Bengal Eastern Frontier Regulation Act of 1873, the Chin Hill Regulations Act of 1896 aro dusra acts arp rules khan ase Arunachal Pradesh te thaka manu khan laga interest bachabole nimete .”
Tai aro koishe “Ami Citizenship Amendment Bill toh dikdaar nohobole nishena lagi ase Arunachal te kile koile toh ami khan protected ase.”
Chief Minister para ekta delegation etu te alag alag political parties civil society groups khan logote akhe te Union Home Minister Amit Shah logote meeting luwa time te special provision mangishe Arunachal, laga indigenous tribal communities laga interest ke bachabole etu toh public sentiments hisaab te ase.
Etu bill toh Parliament te December 11 te shuru kuribo etu bi Union cabinet para etu ke Wednesday din te acha koishe koile toh.Etu cabinet para acha kuwa toh Shah para consultative meeting luwa pichede hoishe.Etu meeting toh northeastern states laga chief ministers khan laga meeting luwa pichede.
Add Comment