Itanagar, November 9, 2026: Saturday din te Deputy Chief Minister Chowna Mein para janai dishe ki. Taikhan State laga educational Ecosystem toh masbut kuribole lagea ase koishe. Yete Quality teacher training tarika para, Capacity Building aru Skill development kuri kina. Aru koishe ki. Educated, Skilled aru empowered jawan manu khan toh State masbut kuribole ase.
Utkarsh Bhavan – State Training aru Development Centre logote Multipurpose Hall aru Academic Block of Arunachal Shiiksha Vikas Samiti toh Inaugurate kurishe koishe. Etu toh Naharlagun te ase. Mein para koishe ki. Etu nutun facilities para infrastructure dibole ase teachers training, academic development, leadership programme aru capacity Building khan. Yete para State pura te education laga Standard toh bhal kuribole ase.
Tau parabi Saraswati Vidya Niketan laga bus toh flagged off kurishe. Etu toh Namsai District laga Mahadevpur te ase. Yete Schools khan laga activities aru facilities khan te modot kuribole nimete. Bishi bhak toh students ke.
