Itanagar, May 3, 2026: May 2 te Centre para Dr Joram Aniya ke NITI Aayog laga member banai de she, etu ekta dangor historic milestone ase Arunachal Pradesh aro Northeast karne.
Dr Aniya toh National policy body te gushea toh, Arunachal Pradesh laga awas otha neshe na hoi she India laga sob se dangor policy bana laga level te. NITI Aayog laga chairperson toh Prime Minister Narendra Modi ase.
Dr Aniya toh ekta Associate Professor ase, tai Arunachal Pradesh Private Educational Regulatory Commission laga member be ase. Tai laga hath te 18 sal laga experience ase, teaching, research aro public policy bana te.
Tau first maiki ase Nyishi community te para PhD pa toh, aro state laga first manu ase kun Hindi language studies te doctorate pa toh. Dr Aniya toh beshe kitab khan lekhe kena ase Nyishi laga lierature aro culture opor te.
Add Comment