Arunachal Pradesh: Drug Bika manu ke Arrest Kurishe

Nirjuli/Ziro, April 17, 2026: Nirjuli Police khan para ekta drugs bika manu ke arrest kurishe. Aru tai laga haat parabi Heroin drugs toh paishe koishe.
Yete khobor pai kina tarika kurishe. Yete Police Team ke, Nirjuli Police Station Officer-in-charge T.M Nekam para loi jaishe koishe. Aru yete Monday din te. Dikrong Colony te Naka Checking point kurishe koishe.
Yete Checking kurea homoi te. Ekta Scooter toh polabole kushish kuri thakhishe koishe. Yete taike Nirjuli Police khan para khitai kina rukhaishe koishe. Driver toh Tame Peter ase koishe. Aru tai toh 23 saal ase. Tai toh Nirjuli laga D-Sector te thakhea manu ase koishe.
Naharlagun SP Mihin Gambo para koishe ki, Yete tai laga body bisarea hommoi te. Police khan para 21 vial Heroin Drugs toh paishe koishe. Aru etu toh 27.51 grams ase koishe.
Etu arrest kurea manu ke. Section 21 (b) of Act laga case bitor te registered kuri dishe koishe. Aru etea investigation khan kurea ase koishe.