Roing, October 19, 2026: The Idu Mishmi Cultural and Literary Society (IMCLS) khan para Lower Dibang Valley District administration khan action lubole janai dishe. Yete bar bar tiger janwar ke dikhea te. Etu toh Roing para Hunli rasta khan te.
Deputy Commissioner ke Presentation kurea homoi te, IMCLS khan para koishe ki. Tiger janwar toh October 15 din te 19km nishina te dikhishe koishe. Aru eki rati te aru alak tiger kebi dikhishe koishe 12km point te. Yete para Public laga health nimete chinta uthea ase koishe. Aru February 2 din te Mayudia ke tiger parabi hamla kurishe.
IMCLS khan para taikhan laga chinta toh janai dishe. Hoilebi yete Forest aru Wildlife authorities khan para bhal action bi loa nai koishe Mayudia laga jamala te. IMCLS khan para Field laga verification, Monitoring aru Patrolling, effective Public Warning, emergency-response Systems toh mangea ase koishe.
