Itanagar, November 10, 2026: Itanagar Capital Police khan 15 daba pai she kunto laga betor te bea dawai thake she aro ek jun ke geraftar kure she ekta drug trafficking case te. Geraftar hoi ja laga nam toh Honkai Pansa ase, tai toh Kaimilo bosti para ase Longding district te, November 6 laga 12.27 am phane police khan para tai ke rokhai she Chandranagar Petrol Pump osor te, tai ekta TVS Ntorq cholai thake she. Police khan laga hesab te, Chimpu Police station te tai khan jankari pai she ki Pansa toh bea dawai khan manu ke poncha bole ase. Tai ke check kurea homoi tai laga jacket pocket te para 15 daba olai she. Tai ke aro bea dawai khan toh Chimpu Police station te loi jai she aro ekta case register kure kena ase NDPS Act laga betor te.
Arunachal Pradesh: Itanagar police khan bea dawai pai she, ek jun ke geraftar kure she
