Arunachal Pradesh: Itanagar Police khan para duita Spy ke arrest kurishe

Itanagar, December 11, 2025: The Itanagar Police khan para duita manu ke arrest kurishe koishe. Taikhan toh Arunachal Pradesh para Pakistani khan spy kurea nimete. Etu duijun toh Nazir Ahmad Malik aru Sabir Ahmed Mir ase koishe. Tai duijun bi Jammu & Kashmir laga Kupwara para ase koishe.
Tai duijun ke November 21 din te arrest kurishe koishe khobor pai kina. Nazir ke Ganga Bosti para durishe koishe. Aru eki din te. Sabir Ahmed Mir ke Abotani Colony para durishe koishe.
Khobor hisab te. Etu duijun toh Army khan laga movement aru Installations khan ke sai kina. Ekjun ekjun ke khobor di thakhishe koishe. Etu toh Arunachal Pradesh te ase. Aru Pakistani Handlers khan ke Telegram Channel para contact kuri thakhishe. Etu duijun toh Arunachal te bishi bar ahishe koishe. Yete Kapara khan bikai aru alak alak Districts khan tebi jai koishe. Taikhan Kibitho, Anini aru Tezu khan tebi jaishe koishe. Yete Khobor khan loi kina Handlers khan ke dibole nimete.