ITANAGAR | December 19, 2018 (PTI): Aji Arunachal Pradesh jagate Transport Minister Nitin Gadkari pora national highway project laga foundation stone inaugurate koribole ase. Ito project toh Rs. 9,533 crore laga project ase. Ito inaugrations toh Roing aro Ziro jagate hobole ase. Ulag ulag time ke. Roing jagate minister Nitin Gadkhari pora Dibang aro Lohit noti majod laga dolong inaugurate koribole ase. Aro Chowkham- Digaru majod laga rasta bi koribole ase. Ito rasta laga lamba toh 30.95 km ase aro Rs. 1,508.30 crore jabole ase. Ito logode minister pora notun pona 2-lane 25.14 km Mahadevpur pora BuriDihing section NH-52 B laga aro 22.23 KM Bordumsa- Namchik NH-52 B section laga rasta bhi inaugurate koribole ase. Ekta ke Rs.136.06 crore aro ekta ke 189.91 crore laga project ase.
Ziro jagate , Mr Gadkari pora 472 km lamba national highways lagafoundation stone thalibole ase. Ito nimete Rs. 5,583.92 crore jabole ase. Tai pora arobi Potin-Pangin jaga laga 351.38 km NH 229 bi relaunch koribole ase. Ito nimete Rs. 3,956 crore jabole ase.
Ito khan project pora Assam aro Arunachal Pradesh majod laga district head quarter khan ke rasta phal koridibo. Aro pera time ektum komtikoridibo. India nimete bi itoh project toh pise dangor important ase.
Add Comment