ITANAGAR | DEC 20, 2019: Thursday din official koishe ki Arunachal Pradesh government khan PSU Oil India Limited ke license grant kurishe petroleum products khan laga exploration kuribole nimete state laga saata nutun blocks te .
State government khan para company khan ke permission dishe Jairampur block Changlang district laga extended area laga exploration nimete .
Chief Minister Pema Khandu para company’s chief general manager Inderjit Baruah aro tai laga team khan ke license dishe.
September moina Khandu logote meeting luwa time te Petroleum major laga officials khan state government khan ke joldi hi forest clearance dibole koishe identified block nimete etu para environmental nod pabole karne centre para survey aro exploration activities nimete .
Company para state government ke khushi janaishe etu process license dibole thaka toh chotu time te khotom kura nimete etu para Oil India khan etu moina para exploration activities shuru kuribole paribo.
Company khan ke blocks khan diya toh Changlang, Tirap, Lohit, East and West Siang aro Lower Dibang Valley districts khan ase.
Officials khan koishe ekta block laga exploration toh duita phase te lobo.Desh te exploration activities bhal para lobole nimete centre para Hydrocarbon Exploration and Licensing Policy (HELP) and Open Acreage Licensing Policy (OALP) bithor te thaka offshore aro onshore areas khan nimete 55 blocks khan dishe.
bidding process te Oil Indi khan nouta block paishe aro etu te saata toh Arunachal Pradesh te ase .
Etu logote centre para aro bi Jairampur extension block, area 23.25 sq km Changlang district nomination basis te company khan ke dishe.
Etia Oil India officials koishe Kumchai (Kharsang) Changlang district para Duliajan Assam tak laga pipeline nimete detail project report natural gas laga transportation nimete state government ke dikena ase.
Add Comment