Itanagar, November 12, 2026: Lower Siang District Police khan para 3da manu ke arrest kurishe koishe. Aru 7.66 grams laga heroin drugs paishe. Yete anti-drug operation kuri kina. Etu toh Arunachal Pradesh laga Likabali aru Assam laga Silapathar te.
Yete tarika kuri kina Likabli Police Station laga team khan November 7 din te duita manu ke rukhaishe koishe. Likabali Check Gate te. Taikhan toh Nyakom Lollen aru Karbi Angu ase. Tai duijun bi Arunachal Pradesh laga West Siang District, Aalo para ase. Police khan taikhan laga haat para 4 grams laga heroin drugs paishe.
Aru huda hudi kuri kina. Tai para koishe ki. Drugs khan toh Assam laga Silapathar para paishe. Etu te Lower Siang District Police laga anti-drug squad (ADS) khan para Assam Police khan logote mili kina operation suru kurishe November 10 din te. Yete taikhan para Numol Pegu toh Silapathar laga Palpati Notun Mishing Gaon para ase. Taike 4.30 pm homoi te durishe. Aru police khan par 3.66 grams laga heroin aru Rs 2,000 paishe. Lower Siang District Police para koishe ki. Taikhan toh anti-drug operation kuri thakhibole ase koishe.
Arunachal Pradesh: Police para 3da manu ke arrest kurishe anti-drug operation te
