Taktsang, December 12, 2025: December 11 din te. Ekta bia khobor te. Class 1 maiki ekjun toh Choine Tsomu (6) ase koishe. Tai toh Tawang District laga Netaji Subash Chandra Bose Awasiya Vidyalaya laga Hostel te thakhishe koishe. Aru Hostel toh jui juli kina. Tai muri jaishe koishe. Etu toh 12:20 am Homoi te thakhishe.
Etu jui toh Electric Short-Circuit para ulaishe koishe. Aru etu maiki bacha toh Tenzin Yeton aru Yeshi Wange laga bacha ase koishe. Taikhan toh Jemeithang Circle laga Shocktsan Bosti para ase koishe.
Aru jamala hoa homoi te. Class 8 student Dorjee Tsomu aru Hostel Warden Nima Lhamu toh mun dangor para bishi bacha khan ke bachai dishe koishe. Taikhan toh Gumai thakhishe koishe. Taikhan enika mun dangor para tarika khan kuri kinabi. Tsomu ke bachabole parea nai koishe. Jui toh Bishi Dangor hoa nimete.
Yete Osor te thakhea laga Indian Army Unit, bosti manu khan, School Staff aru Hostel laga malik khan mili kina kaam kurishe koishe. Hoilebi etu jui toh suka khuri aru bitor laga saman khan ke phat julai Dishe koishe. Aru fire extinguishers , panni khan chulai kina jui toh mutai dishe koishe.
Add Comment