Ruksin, November 18, 2026: Siang Upper Multipurpose Project (SUMP) upor te etea bi Protest kurea ase koishe. Yete Ruksin laga Legong Banggo Students Union (LBSU) khan para 24 hours Ruksin jagate bandh kurishe. Etu toh Tuesday laga phuzur para. Yete taikhan Gen Z Protestors khan ke duri kina thakhea toh chari dibole mangea ase. Taikhan ke alak alak Criminal Sections for Involvement in Anti-Dam Movement bitor te booked kuri kina ase koishe.
Yete Union khan para Upper Siang, Siang aru East Siang District te Central Armed Police Forces khan ke nami jabole janai dishe. Aru Siang Nodi te tarika kurea khan bi chari dibole janai dishe. Yete taikhan laga Slogan toh ‘No Dam, No PFR in Siang River’ ase. Aru LBSU leaders khan para State Government ke warning dishe. Yete taikhan aru hilibole ase. Taikhan mangea laga pura kurea nai koile.
Protestors khan toh 3da group te bhak kuri kina. Yete National Highway 515 toh bon kuri kina Ruksin Gate te, Sille Camp aru Rani te. Etu toh Phuzur para. Yete passenger bukhea Gari, saman bukhea gari aru private gari khan bi rukhai kina ase. Khali emergency gari khan ke jabole dishe. Yete Ruksin aru Sille-Oyan te dukan, banks aru alak business khan bi pura bon thakhishe. Government offices khan tebi komti manu he ahishe. Yete halat toh sunsan he thakhishe. Aru kote bi jamala ula toh report kurea nai.









