Itanagar, December 12, 2025: December 11 din te. Yete Indian Army khan para tata pahar para giri kina thakhea te. Taikhan bisaribole laga operation suru kurishe koishe. Etu toh Hayuliang aru Chaglagam Rasta te ase koishe. Yete sob milai 18 manu nishina murishe neki koi ase.
Yete bachea manu khan ke Chipra GREF Camp te ahishe koishe December 10 din te. Aru janibole parishe ki. Etu tata te 22 kaam kurea manu nishina ke bukhi thakhishe koishe. Aru Taikhan toh December 8 din te. Tata te thakhi kina, Rasta laga niche te girishe koishe. Etu toh Chaglagam te punchibole 12 km nishina thakhishe koishe. Yete khobor toh Local authorities, contractors nahoilebi Civil Representatives khan ke punchea nai koishe. Yete bachea manu para ahi kina manu khan ke janai dishe koishe.
December 11 din te. Spear Corps, Medical Teams, GREF Staff, Local Police, NDRF aru ADC Hayuliang khan sob ke utu jagate pathai dishe koishe. Bisaribole laga operation kuribole nimete. Yete 4 hours nishina bisari kina. Teams khan para Tata gari toh 11:55 te paishe koishe. Etu toh highway rasta laga niche 200 meters nisina thakishe koishe. Tate 18 bodies nishina dikhi thakhishe koishe. Yete authorities khan bachabole laga operation kurishe koishe. Yete jokhum hoa khan ke, aru murea manu khan laga body toh bachabole karne.
Add Comment