ITANAGAR | April 5: National People’s Party (NPP), kono toh pohoila bar Arunachal Pradesh te election te khara kori ase, pora fesla korise ki state laga tweita parliamentary seats majote ekta te aro assembly seats khan te BJP ke modot koribo.
Arunachal te Lok Sabha aro Assembly election toh ekki logote April 11 te thakibole ase.
NPP pora state election nimite 30 nominees khara koribole junise aro Arunachal West parliamentary seat nimite ekjun candidate ke junise.
Gicho Kabak, NPP laga state unit president pora koise ki party pora Arunachal East parliamentary constituency te BJP candidate Tapir Gao ke support koribole fesla korise, etu toh high command laga adesh hisab pora ase koise.
District committees khan pora bi Arunachal East parliamentary constituency laga nijete thakiya 27 assembly seats te BJP candidates khan ke modot koribole monjur howa janai dise, tai pora koise.
Kabak pora etu bi janai dise ki party toh state te election bicchete BJP logote alliance bnaibole bi monjur thakise.
Add Comment