TNT Desk | May 3, 2019:May 2 direk police khan para Assam laga chotu maiki bacha kun ke uthaikena ekta bura manu ke bikhri kurishe bachaishe.
Assam’s Dhemaji district Jonai laga 16 sal maiki kun duita haafta akhe para harikena thakishe Arunachal Pradesh Shi Yomi district deh Wednesday din te Johai police khan para bachaishe .
Sources khan khobor dishe ki etu chotu maiki bacha ke April 16 te tinta maiki para uthaikena Mechuka te thaka ekta bura manu ke bikhri kuri dishe.
Etu chotu maiki laga ama para FIR kura pichede Jonai laga police khan para Section 365 IPC, bithor te case register kurikena etu maiki bacha ke Wednesday din te bachaishe .
Etu chamela te police khan etia tak kun ke bi thuranai. Etu chotu bacha laga ama para koishe ekta maiki Anita Perme Doley Kamalpur village para aro dui jun logote milikena etu chotu bacha ke Mechuka Arunachal Pradesh te lui jaishe.
Add Comment