ITANAGAR | MARCH 29, 2020: Arunachal Pradesh, State Surveillance Officer, Integrated Disease Surveillance Program (SSO-IDSP), Dr Lobsang Jampa para khobor dishe etia tak nine jun manu ke coronavirus virus infection nimete test kurishe etu te choi jun toh negative olaishe aro tin jun ke Dibrugarh Assam te phutaishe chan bin kuribole nimete.
Itanagar te juwa saam te press conference te kotha kura samay te tai koishe health department khan para etu epidemic toh rukhabole lageh state te.Etia tak ekta bi COVID19 positive cases state te paanai.
State Government para lone medical college hospital state te Tomo Riba Institute of Health & Medical Science (TRIHMS) – ase kile koile toh COVID-19 Hospital sob cases related thaka toh Corona Virus pandemic logote deal kuribole nimete ase.
Itanagar Capital Complex Deputy Commissioner Komkar Dulom para khobor dishe duita jaka paishe quarantine facility nimete capital room te .Tai koishe Ashoka Hotel toh identify kurishe Itanagar aro Bharat Scouts and Guides Naharlagun nimete.
Etia Food and Civil Supplies Secretary Jokey Angu para khobor dishe ki state khan logote ration stocks bishi ase aha char moina nimete aro etu nimete bhui nakhabole lageh.
Add Comment