Itanagar, June 4, 2025: Tuesday din te Officials khan para koishe ki. Yete etea Arunachal Pradesh te floods aru landslides khan bishi hoi kina. Etea 11 kaam kurea manu khan ke murai dishe koishe. Yete wall toh giri kina. Etu toh Anjaw District te hoishe koishe.
State Emergency Operation Centre (SEOC) statement khan laga hisab te. 38 saal Bhaben Mrumu toh murishe koishe. Yete Landslide hoi kina wall giri kina. Etu toh June 1 din te hoishe koishe. Yete alak 3da GREF te kaam kurea manu khan bi jokhum hoishe koishe etu jamala te.
Aru koishe ki. Yete panni giri kina. 156 bosti khan te jamala dishe. Aru sob milai kina etea 938 manu khan duk pai ase koishe. Etu toh 23 districts khan te. Yete Lower Subansiri District toh sobse duk pai ase koishe. Yete tate 114 Kutcha Ghor nishina toh bia kuri dishe. Aru 45 pucca Ghor nishina aru 9 huts khan bi kuri dishe. District tebi Infrastructure khan toh loss kurishe. Yete 51 rasta, 17 power lines, 23 water supply laga line aru duita Schools khan sob bia kuri dishe koishe.
Add Comment