October 31 ,2020: Arunachal Pradesh police para Udalguri district Assam laga harijuwa 20 umar maiki kun October 8 para harijaikena thaka ke Donyi colony area Itanagar para paishe.
Sources khan koikena janaishe ki Udalguri Police khan para Arunachal police logote details khan dishe maiki laga kun toh harikena thakishe aro Itanagar laga kunba jaka te buikena thakishe aro khobor paa hisaab te Itanagar Capital SP Jimmy Chiram para ekta team olaishe etu te SDPO Itanagar Dy SP K Sikom, OC PS ITA Inspector P Simi aro SI AK Singh ase.
Etu team khan Udalgiri Police khan logote milikena kaam kurishe etu harijaa maiki ke bisaribole nimete aro reliable sources khan itanagar laga alag alag colonies te hudah hudi kuri thakishe aro etu harijuwa maiki laga noksa khan tai khan ke dikhaishe.
Arunachal Pradesh Police khan technical surveillance laga modot aro reliable sources khan para modot loikena etu harijuwa maiki ke Donyi Colony locality Itanagar te paishe kuntu te tai toh ekta local employer laga ghor te ghor laga kaam kuri thakishe.
Sources khan koikena janaishe physical verification luwa pichede aro etu harijuwa maiki ke saa pichede tai koikena janaishe ki tai nijor para hi ghor charikena jaishe nijor laga dikdaar nimete aro Itanagar para jaishe ari tai laga ekta facebook saathi Nizam Boro laga modot para ekta ghor te kaam kuribole paishe.
Etia Udalguri Police laga team khan Itanagar te jaishe October 25 te aro etu maiki ke custody te loishe.
Add Comment