ITANAGAR | March 15: Arunachal te ruling BJP pora ticket bisara manu besi howa dekhise. Prime minister, Narendra Modi aro BJP laga national president Amit Shah pora state te campaign shuru koribo.
200 nisina applicants pora 60 member assembly election nimite BJP ticket karne bisari se. State te assembly aro Lok Sabha election ekki logote thakibo. 60 assembly seats aro tweita parliamentary seats nimite election toh April 11 te thakibo.
Tweita Lok Sabha seats nimite khali tweita naam ase, Minister of state for Home Kiren Rijiju (West parliamentary constituency) aro state laga BJP president Tapir Gao (East parliamentary constituency). Etu tweita seats nimite candidates laga naam toh BJP laga parliamentary Board pora March 16 te declare koribo.
Rijiju pora 2014 te etu seat jitise aro Gao harise. BJP toh sob 60 assembly seats te khara kori ase. Etu party pora khobor korise ki tai khan toh election laga aagete aalag political party logote namilibo.
Gao pora koise ki Prime minister Narendra Modi aro party president Amit Shah pora state te campaign shuru koribo.
Add Comment