Itanagar | April 12: Arunachal Pradesh te lok Sabha polls laga Phase 1 te alak alak polling station pora ahi kena EVM machine aro station khan phangai kena bura station te violence aro booth capturing kurise.
Arunachal Times laga khobor hesab te, Lower Siang HQ Likabali laga khobor pora jonai dise ke district te laga Sogum polling station te EVM machine toh Thursday te BJP laga manu khan pora mardhol aro alak saman khan pora phangai dise.
Arunachal laga The People’s Party pora wapas ahiya laga officer khan logot te etu harkat te dhakiya 10 jun manu khan ke khilaaf kuri kena joldi action lobole karne complaint file kurise.
District konba khan pora ahi kena poll station biya kuriya aro violence kuriya khan laga khobor te, additional CEO pora koise commission pora etu hatsa laga khobor toh phone calls konba paise hoilebe district election officers laga hat pora official khobor aro bowa nai.
Aro, Kurung Kumey district laga Pipsorang te tweita alak alak party laga supporters khan larai kuriya biche te teenjun manu khan biya pora jokom paise, DGP SBK Singh pora koise.
District administration pora koi kena etu jokom howa manu khan ke chopper te pora Itanagar te bodhaiu dise.
Add Comment