Arunachal Pradesh: Tiger para Police manu ke murai dishe

Roing, February 5, 2026: Lower Dibang Valley District Police aru Forest Officials khan mili kina. Head Constable laga body paishe koishe. Etu toh Tuesday Phuzur te paishe koishe. Tai toh Chikseng Manpang.
Manpang ke Monday sham phane tiger laga family khan para hamla kurishe koishe. Etu toh 7 para 7:30 Pm homoi phane thakhishe koishe. Tai toh Bike chulai thakhi kina. Roing para Anini te jai thakhishe koishe. Etu toh Dibang Valley District te ase koishe.
Tai toh Namsai District laga Manfaiseng Bosti para ase koishe. Tai toh Roing laga State Police te Wireless Telecom Operator kurea koishe. Taike Anini te matishe koishe duty karne. Yete Cabinet Aapke Dwar Programme nimite. Aru tai wapas ghor ahea homoi toh jamala toh lok paishe koishe. Tai laga maiki aru bacha bi ase koishe. Aru yete Lower Dibang Valley Deputy Commissioner Fwwrman Brahma para koishe ki. Wednesday Phuzur te Postmortem exam kuri kina family khan ke tai laga body toh didibo koishe.