Naharlagun, September 5, 2025: Narharlagun Police khan para ekta Maiki. Gollo Laxmi ke arrest kurishe koishe. Tai toh NGO te kaam kurea ase koi kina. Unemployed Youth khan ke chalak kuri kina Poisa khan jama kurea nimete. Yete taikhan ke alak alak kaam dibo koi kina poisa mangi thakhishe koishe. Yete Nurse, Data Entry Operators, Security guards aru alak kaam khan bi dibole koishe.
Aru Investigation kurea homoi te. Taikhan para janai dishe ki. Etu maiki para Chalak kuri kina Rs 4,000 para Rs 10,000 nishina 66 Students khan laga loishe koishe. Aru yete Rs 3,36,000 nishina jama kurishe koishe. Aru etu loi kina. Naharlagun Police Station te Case registered kuri dishe koishe. Tai laga upor te NLG/PS/Case No. 113/25 U/S 318(4) BNS dali dishe koishe.
Superintendent of Police Dr. Nyelam Nega para public khan ke etu case laga khobor janai dishe koishe. Yete aru Students aru Youths khan ke hoshiar thakhibole janai dishe koishe. Enika juka nakhabole karne.
Add Comment