July 22, 2020 : officials koishe ki Tuesday te 32-year-old COVID-19 positive pregnant maiki para Arunachal Pradesh laga medical college te ekta mota bacha ke jonom dishe.
Tomo Riba Institute of Health and Medical Sciences (TRIHMS) te gynecologists and surgeons doctors khan laga team khan para pregnant maiki uporte caesarean section loishe kuntu toh akhe te coronavirus beemar lagikena thakishe.
TRIHMS’ deputy chief medical superintendent Taw Kaki koishe ki ama aro nutun jonom huwa bacha toh healthy aro bhal ase.
Kaki para media ke koish”tai duijun eki logote ama COVID-19 patient, huwa nimete ami khan joldi hi ekta decision lobole ase judi etu bacha jonom huwa toh ama logote thakibole nimete.
Etu maiki kun ke Rama Krishna Mission Hospital te admit kurikena thakjishe TRIHMS, state’s lone medical college, te luijaishe etu bi nCoV test luwa toh positive paa pichede .
Doctors kuwa hisaab te etu maiki kje dusra COVID-19 patients khan nishena elach dibo aro medical college laga hospital te rakhibe tai laga swab samples toh n komti hoilebi duinar negative olabole lagibo thik thak thakibole nimete.
Arunachal Pradesh te total 790 COVID-19 positive cases te etia tak 502 toh active cases ase aro tinjun toh etu beemar para murishe.
Add Comment