Itanagar, May 31: Itanagar deh ekta chukri para complaint file kurishey, All Nyishi Students Union (ANSU) laga assistant finance secretary against, taikan ke kidnappin, molestation aro assault laga opor deh accuse kurishey. Police para case ekta register kurishey, hoilibi investigation toh itya bi ongoing ase aro arrest toh hwanai koishey itya tak.
Woman, Dakma Anga toh restaurant ekta own kurey koishey Lowe Chimpu laga Itanagar deh, aro tai para Charpo Tapo Sonam laga against complaint file kurishey. Tai laga complaint deh Anga para claim kurishey ki Sonam para tai laga restaurant visit kurishey Simon Bagang, Antony Mangam, aro Kayu Yangpo logot, May 25 deh around 7:30 pm. Sonam para Anga ke approach kurishey ekta request luina, tadey KC Club laga osor deh entry passes pabo karney assistance request mangi takishey koishey, tai laga previous employment toh tadey takishey.
Anga para tai laga complaint deh mention kurishey ki tai para Sonam aro group ke club deh gusiwoley karney accompany kuriwo karney agree toh kurishey, as an act of trust aro china jana hwa karney. Hoilibi, return kura time deh taike ghor deh drop kura laga badly Anga ke ekta unfamiliar route deh lui jaishey Ganga Road deh.
Anga para claim kurishey ki journey deh manukan para taike gari deh molest kurishey aro taike chuishey aro enaga kurina Anga toh chilaina gari para pulawoleh try kurishey scene para. Hoilibi manu kan para taikey punch aro kick mariwoley start kurishey.
Complaint deh tai para mention kurishey ki Anga toh behosh huijaishey aro giri jaishey titya attackers toh scene para polaijaishey.
Superintendent of Police (SP) Rohit Rajbir Singh para ekta case register kurishey aro legal action toh initiate kuri dishey.
Aro details kan rukhi ase aro investigation toh itya bi kuri ase. Itya tak arrest toh hwanai kunbi.
Add Comment