Arunachal te 365 notun Covid19 positive cases

July 4, 2021. Arunachal Pradesh te 24 gonda pithor te 365 notun Covid19 cases thurishe koishe. Directorate of health services laga Covid19 bulletin hesab te koishe ke Arunachal Pradesh te notun cases thura toh 5016 tests kora te thurishe. 24 gonda pithor te 272 dosura bemar manuh kaun Covid-19 para bemar thaka toh bhal hoikena discharged hoishe. State te Saturday din aro Covid-19 para manuh mora registered khobor thaka nai. Arunachal Pradesh te itya 3,057 active Covid-19 cases ase. Saturday din sob melaikena 8,862 manuh ke Covid-19 vaccine doses thishe. Health department para koishe ke, sob melaikena 6,998  manuh 8 umer para loikena khan ke Covid-19 vaccine 1^st dose toh thishe. Friday din Arunachal Pradesh te  404 Covid19 positive cases registered  korishe. Friday din te aro 5,950 tests lowa te notun cases khobor paishe. Friday din sob melaikena 223 bemar manuh discharged hoishe. Friday din te 10,747 manuh ke Covid19 vaccine doses thishe. Etu samai, India te Covid-19 vaccination deya toh Saturday din dak te 35 crore oper hoishe aro etu samai 57.36 lakh vaccine doses toh 7 pm dak te thishe koikena Union health ministry data hesab te janaishe. India laga cumulative Covid19 vaccination coverage toh 35,05,42,004 oper hoishe koikena Saturday 7 pm dak te janaishe. June 21 darik te notun phase universalization of Covid19 vaccination toh soruh hoishe koishe. Saturday din dak te 57.36 lakh (57,36,924) vaccine doses toh thishe koikena 7 pm provisional report hesab te ase koikena Union health ministry para janaishe.