November 09,2020: Chinese President Xi Jinping para Sunday te officials khan ke hokum dishe Arunachal Pradesh Indo-China border osorte railway line bonabole nimete shuru kuribole janaishe.
Etu railway line para China’s southwest Sichuan province Linzhi Tibet te connect kuribo.
Linzhi, ke Nyingchi, laga naam para janaa toh Arunachal Pradesh Indo-China border osorte ase.
Jinping koikena janaishe ki US$47.8 billion railway project para ekta key role play kuribole border te stability anibole nimete.etu toh media report te koikena janaise.
Qinghai-Tibet railway project pichede Sichuan-Tibet railway line toh Tibet laga second railway line thakibo.
Chinese official media kuwa hisaab te Etu railway line toh southeast Qinghai-Tibet Plateau para jabo.
Qinghai-Tibet Plateau toh ekta world’s most geologically active areas ase.etu Sichuan-Tibet railway line Chengdu, Sichuan province capital para shuru kura toh Ya’an paar kurikena Tibet te qamdo para ghusssibo.
Aro bhabona kurishe ki eu Sichuan-Tibet railway line toh Chengdu laga safar komi kuribo lhasa tak 13 hours te 48 hours para.
Etu India aro china laga chamela toh chuli thakishe international border te kuntu para 3,488-km-long Line of Actual Control cover kurishe etu toh etu duita desh majhotte thaka de-facto border ase.
Add Comment