Agencies: Wednesday din te Aam Aadmi Party (AAP) chief Arvind Kejriwal para BJP khan laga “Main Bhi Chowkidar” campaign khilaf te kotha kurishe. Etu campaign toh PM Modi para jua haft ate suru kurishe. Arvind Kejriwal koishe ke judi upni khan nijor laga bacha khan ke ‘chowkidar’(watchman) banabole echa thakile toh PM ke vote dibi.
Mr Kejriwal tweet kuri kena koishe ke Modi ji toh pura desh te thaka manu khan ke chowkidar banabole bisari ase. Aro judi upni khan nijor laga bacha khan ke chowkidar banabole echa thakile toh Modi ji ke vote dibi. Hoile bhi judi upni khan toh nijor laga bacha khan ke doctors, engineers, lawyers aro dusra bhal manu khan banabole echa thakile toh emandar (honest) aro likha-pura (educated) AAP candidates khan ke vote dibi koishe.
Add Comment