Arvind Kejriwal: AAP Haryana Ke Corruption Free Kuridibo

KAITHAL: 

Aam Aadmi Party (AAP) national convener aro Delhi Chief Minister Arvind Kejriwal para BJP aro Congress ke inzam dishe. Etu inzam toh Independence pa pichete bhi farmers issue, generation nimite employment aro health aro education service te bhal anibo napara nimite dishe.

Thursday te Kaithal, Haryana laga rally te Arvind Kejriwal para kotha kurishe. Mr. Arvind koishe aha Assembly elections te BJP aro Congress nimite vote nokuribi. Notun Haryana banabole youth ke support kuribole koishe.

Chief Minister koishe Jua 70 years te kile BJP aro Congress para hospitals aro schools laga condition bhal kura nai. Farmers welfare nimite kile eku kora nai. Youth employment karne kile eku kora nai. BJP aro Congress etu kaam khan kora nai kile koile tai khan laga intension bhal thaka nai.

Delhi Chief minister koishe AAP para Delhi te developmental kaam kora suru hoishe. AAP para etiya kora kaam toh independence samay para immediate suru hubo lage. Mr Arvind koishe Delhi te teen saal kaam kora pichete janishe ke bhal developmental kaam koribole possible ase. Etu kaam possible ase aro AAP para kuri kena dikhaishe.Mr. Arvind voters ke poila laga mistake repeat no kuribole koishe. Mr. Arvind koishe youth laga support para AAp para Haryana ke corruption free banabo.

Youth toh AAP laga sob para dangor tagot ase aro youth laga modot para AAP Delhi bodli kuribo parishe.  Mr. Arvind koishe etiya Haryana laga youths khan laga samay ase. AAP Haryana laga farmers khan nimite bhal kaam kuribo, bhal institution anibo, bhal hospitals anibo aro youths khan nimite employment anibo, AAP leader para koishe.