New Delhi: Sunday din te Delhi Chief Minister Arvind Kejriwal ke party laga national executive meeting thaka samai aro tin(3) paar wala national convenor of the Aam Aadmi Party (AAP) junishe, koikena official statement hesab te janaishe. Party leaders Pankaj Gupta aro ND Gupta ke secretary aro treasurer junishe aro etu office bearers toh 5 saal nemite ase koishe. Aam Aadmi Party (AAP) laga national executive para notun 34-member executive body oper te Mr Kejriwal ke juna ase. Sunday din first meeting virtually thaka samai, party laga notun junai national executive para national convenor, national secretary aro national treasurer juniboli fesla loishe, koikena statement para aro janaishe. “executive members khan para senior party leader Arvind Kejriwal ke national convenor hoboli monjur thakishe. National executive members para senior leader Pankaj Gupta ke national secretary aro N D Gupta ke national treasurer junishe.” Executive members te senior AAP leaders Manish Sisodia, Satyendar Jain, Imran Hussain, Rajendra Pal Gautam, Raghav Chadha, Atishi, Rakhi Birla aro dosura konuba manuh samil ase koishe. Statement te aro koishe ke, body para Mr Kejriwal laga nam toh national convenor thiboli monjur korishe. “Kejriwal toh party nemite aro tai laga bapana aro kam toh besi din para bhal fesla korikena aha nemite aro tai ke tin(3) paar wala aro junishe,” statement para koishe. Next national executive meeting thaka samai ahiboli thaka state assembly elections aro itya deh laga political halat nemite kotha koriboli fesla korishe.
Add Comment