New Delhi, 16 April : Delhi Chief Minister Arvind Kejriwal aro senior AAP leaders Manish Sisodia aro Satyendar Jain, kun khan sob jail dey asey, party para Gujarat dey Lok Sabha polls karney star campaigners nishna naam dishey.
Arvind Kejriwal laga maiki Sunita Kejriwal aeo Punjab Chief Minister Bhagwant Mann bhi 40 star campaigners laga list maju dey asey, kun laga naam party para Election Commission ke submit kurishey.
Itu list dey alag prominent naam toh AAP Rajya Sabha MPs Sanjay Singh, Raghav Chadha aro Sandeep Pathak asey.
Rajya Sabha MPs Harbhajan Singh aro Swati Maliwal laga naam itu list dey nai.
Chief Minister Kejriwal ke Enforcement Directorate para March 21 dey ekta Delhi excise policy-linked money laundering case laga connection dey arrest kurishey. Tai itia judicial custody dey asey aro Tihar jail dey asey.
Gujarat dey 26 Lok Sabha seats dey para, AAP para tuita contest kuri asey – Bharuch aro Bhavnagar – INDIA bloc laga ekta part nishna, kitia itu laga ally Congress toh pachina 24 ke contest kuri asey.
AAP para Chaitar Vasava ke Bharuch para aro Umesh Makwana ke Bhavnagar para field kurishey. Gujarat dey Lok Sabha elections toh ekta single phase dey luwo May 7 dey aro nomination papers ke fill kuriboley last date toh April 19 asey.
Add Comment