New Delhi, April 21: Delhi Chief minister Arvind Kejriwal lah wife, Sunita Kejriwal pra Sunday dae janai dishey ki Tijar jail lah bitor dae tai lah mota kae morawoley conspiracy asey. Tai pra koishey ki Aaam Aadmi Party (AAP) chief lah sob meal kae authorities pra sai asey.
“Tai lah khana bitor dae cameras lagai kina asey. Tai ek ek bite lua sob kae sai asey. Etu tho bishi sorom khota asey. Tai tho ekta sugar patient asey aro 12 saal karney insulin lui asey, hoilibhi tai kae jail bitor dae insulin luwoley mana kuri di asey. Taikhan pra Delhi lah Chief Minister kae morai diwoley mun asey”, Sunita Kejriwal pra etu Ranchi dae koishey, INDIA bloc lah rally address kura time dae.
Tai lah speech dae, Sunita Kejriwal ora eturegime kae “dictatorship” matishey, Delhi lah Chief Minister aro tai lah counterpart Hemant Soren kae jail dae thala karney.
Add Comment