ASF Bimar para 1,050 Gahuri muraishe koishe Mizoram te

New Delhi, April 6, 2025: Officials khan para koishe ki. Mizoram te ja moina para, African Swine Bimar (AFS) para 1,050 gahuri murai dishe koishe. Friday din te, Mizoram laga Ainmal Husbandry aru Veterinary Department (AHVD) para koishe ki. Department khan para 3da District laga 34 jagate murishe koishe AFS bimar para. Etu toh Lawngtlai, Mamit aru Siaha te. Mizoram laga Lawngtlai toh Myanmar aru Bangladesh khan ke border toh bhak kurea koishe. Mamit toh Tripura aru Bangladesh. Aru Siaha toh Mynmar logote. Etu ASF bimar toh 20 march te ula toh janibole parishe. Yete Northeast Regional Disease Diagnostic Laboratory (NERDDL) khan para kurishe Guwahati te. Aru AHVD laga team khan para 400 gahuri nishina ke murai dishe 3da district te. State Government para etu jamal te bhal para sai ase koishe. Aru taikhan tarika khan toh kurea ase koishe. Etu bimar ke aru philabole nadibo nimete.